ഉമ്മൻചാണ്ടിയുടെ സംസ്ക്കാര ചടങ്ങിൽ രാഹുൽഗാന്ധിയെത്തും

കോട്ടയം : ഉമ്മൻ ചാണ്ടിയുടെ സംസ്ക്കാരചടങ്ങിൽ കോൺഗ്രസ് നേതാവായ രാഹുൽ ഗാന്ധി പങ്കെടുക്കും. ഇന്നലെ ബംഗളൂരുവിൽ ഉമ്മൻചാണ്ടിക്ക് രാഹുൽ ഗാന്ധിയും സോണിയാ ഗാന്ധിയും അന്ത്യോപചാരം അർപ്പിച്ചിരുന്നു. പുതുപ്പള്ളി സെന്റ് ജോർജ് ഓർത്തഡോക്സ് വലിയപള്ളിയിലെ പ്രത്യേക കബറിടത്തിൽ നാളെ 3.30നാണ് സംസ്കാരം. പരിശുദ്ധ ബസേലിയോസ് മാർത്തോമ്മാ മാത്യൂസ് തൃതീയൻ കാതോലിക്കാ ബാവാ മുഖ്യകാർമികത്വം വഹിക്കും.