കെഎസ്ആർടിസി സിഎംഡി സ്ഥാനത്ത് നിന്നും മാറ്റണം : ബിജു പ്രഭാകർ
എടിഎമ്മില്‍ സഹായിക്കാനെത്തി പണം തട്ടുന യുവാവ് അറസ്റ്റില്‍
July 15, 2023
പതിനെട്ട് ലക്ഷത്തോളം വിലവരുന എംഡിഎംഎയുമായി മലപ്പുറം കൊണ്ടോട്ടി സ്വദേശി പിടിയില്‍
July 15, 2023
തിരുവനന്തപുരം : കെഎസ്ആര്‍ടിസിയില്‍ പ്രതിസന്ധി രൂക്ഷമായി തുടരുന്നതിനിടെ സിഎംഡി സ്ഥാനത്തുനിന്ന് മാറ്റണമെന്ന് ആവശ്യപ്പെട്ട് ബിജുപ്രഭാകര്‍ ചീഫ് സെക്രട്ടറിയെ കണ്ടു. കെഎസ്ആര്‍ടിസി നേരിടുന്ന പ്രശ്‌നങ്ങള്‍ ശനിയാഴ്ച വൈകീട്ട് ആറ് മണിക്ക് സാമൂഹിക മാധ്യമത്തിലൂടെ വിശദീകരിക്കുമെന്നും അദ്ദേഹം പറഞ്ഞു. അതേസമയം, സിഎംഡി സ്ഥാനമൊഴിയുന്നത് സംബന്ധിച്ച വിവരം സര്‍ക്കാരിന്റെ ശ്രദ്ധയില്‍പ്പെട്ടിട്ടില്ലെന്ന് ഗതാഗത മന്ത്രി ആന്റണി രാജു പറഞ്ഞു.
കഴിഞ്ഞ ദിവസം ബിജു പ്രഭാകറിന്റെ വസതിയിലേക്ക് ഐഎന്‍ടിയുസി പ്രവര്‍ത്തകര്‍ മാര്‍ച്ച് നടത്തിയിരുന്നു. ഉതുള്‍പ്പടെ തന്നെ വ്യക്തിപരമായി ആക്ഷേപിക്കുന്ന പ്രവര്‍ത്തനങ്ങളാണ് നടക്കുന്നതെന്ന് ബിജു പ്രഭാകര്‍ കുറ്റപ്പെടുത്തുന്നു. സിഐടിയു ഉള്‍പ്പടെയുള്ള തൊഴിലാളി സംഘടനകള്‍ കുറ്റം മുഴുവന്‍ തന്റെയും മാനേജ്മെന്റിന്റെയും തലയില്‍ മാത്രമിടുകയാണ്. തൊഴിലാളികളുടെയും സംഘടനകളുടേയും ഭാഗത്തുനിന്ന് വേണ്ടവിധത്തിലുള്ള സഹകരണം ലഭിക്കുന്നില്ലെന്നും ഒരു വിഭാഗം ജീവനക്കാര്‍ തനിക്കെതിരെ കൃത്യമായ അജണ്ടയോടെ പ്രവര്‍ത്തിക്കുന്നതായുമാണ് അദ്ദേഹത്തിന്റെ ആരോപണം.
കെഎസ്ആര്‍ടിസി ശമ്പളവും പെന്‍ഷനും വൈകുന്നതുമായി ബന്ധപ്പെട്ട് ഹൈക്കോടതിയില്‍ നിരവധി കേസുകളുണ്ട്. ആ കേസുകളില്‍ സിഎംഡിയേയും മാനേജ്മെന്റിനേയും കോടതി രൂക്ഷമായി വിമര്‍ശിക്കാറുമുണ്ട്. നിരന്തരം ഇത്തരത്തിലുള്ള തിരിച്ചടികളുണ്ടാകുന്നതും സ്ഥാനം ഒഴിയുന്നതിന് പ്രേരിപ്പിക്കുന്നതായാണ് റിപ്പോര്‍ട്ടുകള്‍. കെഎസ്ആര്‍ടിസിയുടെ സാമ്പത്തിക സ്ഥിതിയുള്‍പ്പടെയുള്ള വസ്തുതകള്‍, വരവ് ചെലവ് കണക്കുകൾ ഫേസ്ബുക്ക് ലൈവിലൂടെ പുറത്തുവിടുമെന്ന് ബിജു പ്രഭാകർ പറഞ്ഞു. കെഎസ്ആർടിസിയുടെ ഇപ്പോഴത്തെ അവസ്ഥ അഞ്ച് എപ്പിസോഡുകളിലായി വിശദീകരിക്കും. ആദ്യ എപ്പിസോഡ് ഇന്ന് പുറത്തു വരും. ഇന്ന് വൈകുന്നേരം അഞ്ചിന് എഫ്ബി പേജിലൂടെയാണ് അദ്ദേഹം മറുപടി നൽകുക.
Episode 1
കെ എസ് ആര്‍ ടി സിയുടെ നിലവിലെ (ഏപ്രില്‍ മാസം വരെയുള്ള) വരവ്, ചിലവ് കണക്കുകള്‍ ശമ്പളം വൈകുന്നതിന്‍റെ നിജസ്ഥിതി.
Episode 2
എന്താണ് കെഎസ്ആര്‍ടിസി സ്വിഫ്റ്റ്?
എന്തിനാണ് കെഎസ്ആര്‍ടിസി സ്വിഫ്റ്റ്?
സ്വിഫ്റ്റ് കെഎസ്ആര്‍ടിസിയുടെ അന്തകനാണൊ?
Episode 3
ഡിസിപി എന്തിന്?
എന്താണ് ഡിസിപിയുടെപ്രധാന്യം ?
Episode 4
റീസ്ട്രക്ച്ചര്‍ 2.0 എന്താണ്? എന്തായിരുന്നു കെഎസ്ആര്‍ടിസി?. സുശീല്‍ ഖന്നാ റിപ്പോര്‍ട്ട് സംബന്ധിച്ച വിവരങ്ങള്‍ ?
Episode 5
എന്താണ് ഫീഡര്‍ സര്‍വീസ് ?
