കേരളാ വനിതാ ക്രിക്കറ്റിലാദ്യം , മലയാളി താരം മിന്നു മണി ഇന്ത്യന്‍ ടീമില്‍

തിരുവനന്തപുരം : ഇന്ത്യൻ ക്രിക്കറ്റിൽ വീണ്ടും മലയാളി സാന്നിധ്യം . ബംഗ്ലാദേശിനെതിരായ ടി20 പരമ്പരയ്ക്കുള്ള ഇന്ത്യൻ വനിതാ ടീമിൽ ഓൾ റൗണ്ടർ മിന്നുമണി ഇടം പിടിച്ചു .ആദ്യമായാണ് കേരളത്തിൽ നിന്നൊരു വനിതാ താരം ഇന്ത്യൻ ടീമിൽ ഇടം പിടിക്കുന്നത് .

കേരള ജൂനിയർ സീനിയർ ടീമുകൾക്കായി മത്സരിച്ചിട്ടുള്ള മിന്നു ഇന്ത്യ എ ടീമിലും , ഐപിഎല്ലിൽ ഡൽഹി ക്യാപിറ്റൽസിനായും മിന്നു കളിച്ചു. 24 കാരിയായ താരം വയനാട് തൃശ്ശിലേരി സ്വദേശിയാണ്. വയനാട് കൃഷ്ണഗിരി സ്റ്റേഡിയത്തിൽ പരിശീലനത്തിനിടയാണ് താരം ഇന്ത്യൻ ടീമിലേക്ക് തിരഞ്ഞെടുക്കപെട്ടതറിയുന്നത്. ബാറ്റിങ്ങിലും ബോളിങ്ങിലും നടത്തിയ മികച്ച പ്രകടനങ്ങളാണ് താരത്തെ ഇന്ത്യൻ ടീമിലെത്തിച്ചത്.