തീയറ്ററില്‍ സ്ത്രീവേഷത്തിലെത്തി ഞെട്ടിച്ച് രാജസേനന്‍; ആഘോഷമാക്കി സോഷ്യല്‍ മീഡിയ
മലപ്പുറത്ത് അച്ഛനും മകനും അടുത്തടുത്ത ദിവസങ്ങളിൽ മരിച്ചത് എലിപ്പനി മൂലമെന്ന് സാമ്പിൾ റിപ്പോർട്ട്
June 30, 2023
റിസർവേഷൻ 176 ശതമാനം , രാജ്യത്തെ 46 വന്ദേഭാരത് ട്രെയിനുകളില്‍ കേരളം ഒന്നാമത്
June 30, 2023
സിനിമയുടെ റിലീസ് ദിനത്തില്‍ സ്ത്രീവേഷത്തിലെത്തി പ്രേക്ഷകരേയും സഹപ്രവര്‍ത്തകരേയും ഞെട്ടിച്ച് സംവിധായകന്‍ രാജസേനന്‍. ‘ഞാനും പിന്നൊരു ഞാനും’ എന്ന ചിത്രത്തിന്റെ റിലീസ് ദിനത്തിലായിരുന്നു രാജസേനന്‍ പെണ്‍വേഷത്തില്‍ തീയറ്ററില്‍ എത്തിയത്. പെണ്‍വേഷത്തിലെത്തുന്ന കാര്യം രാജസേനന്‍ ആരെയും അറിയിച്ചിരുന്നില്ല. അതുകൊണ്ടുതന്നെ രാജസേനന്റെ മേക്കോവര്‍ എല്ലാവരേയും ഞെട്ടിച്ചു.
മെറൂണ്‍ നിറത്തിലുള്ള സാരി ധരിച്ച് കണ്ണെഴുതി, പൊട്ടും തൊട്ടാണ് രാജസേനന്‍ എത്തിയത്. ഒറ്റ നോട്ടത്തില്‍ ഒരു സ്ത്രീ. സൂക്ഷിച്ചു നോക്കിയാല്‍ മാത്രമാണ് രാജസേനന്‍ ആണെന്ന് മനസിലാകുകയുള്ളൂ. സോഷ്യല്‍ മീഡിയയും രാജസേനന്റെ മേക്കോവര്‍ ആഘോഷമാക്കിയിട്ടുണ്ട്.
ഏഴു വര്‍ഷത്തെ ഇടവേളയ്ക്കു ശേഷം രാജസേനന്‍ വീണ്ടും സംവിധായകന്റെ കുപ്പായം അണിയുന്ന സിനിമയാണ് ‘ഞാനും പിന്നൊരു ഞാനും’. ചിത്രത്തിന്റെ തിരക്കഥയും രാജസേനന്റെതാണ്. ക്ലാപ്പിന്‍ മൂവി മേക്കേഴ്‌സ് പ്രൈവറ്റ് ലിമിറ്റഡാണ് ചിത്രം നിര്‍മിക്കുന്നത്. ഇന്ദ്രന്‍സ്, സുധീര്‍ കരമന, ജോയ് മാത്യു, മീര നായര്‍, ആരതി നായര്‍ എന്നിവരും ചിത്രത്തില്‍ പ്രധാന വേഷങ്ങളില്‍ എത്തുന്നു.
