പി.​കെ ശ​ശി​ക്കെ​തി​രേ അച്ചടക്ക നടപടി വന്നേക്കും , സി​പി​എം പാ​ല​ക്കാ​ട് ജി​ല്ലാ സെ​ക്ര​ട്ടേ​റി​യ​റ്റ് യോ​ഗം ഇ​ന്ന്

പാ​ല​ക്കാ​ട്: വിഭാഗീയത അവസാനിപ്പിക്കുന്നതിനുള്ള തുടർനടപടികൾ ചർച്ച ചെയ്യുന്നതിനായി സിപിഎം പാലക്കാട് ജി​ല്ലാ സെ​ക്ര​ട്ടേ​റി​യ​റ്റ് യോ​ഗം ഇന്ന് ചേരും . സം​സ്ഥാ​ന സെ​ക്ര​ട്ട​റി എം.​വി ഗോ​വി​ന്ദന്റെ സാന്നിധ്യത്തിലാണ് യോഗം നടക്കുക. ജില്ലയിലെ ശക്തനായ നേതാവും മുൻ എം.എൽ.എയുമായ  പി.​കെ.​ശ​ശി ഉ​ള്‍​പ്പെ​ടെ​യു​ള്ള​ര്‍​ക്കെ​തി​രേ ന​ട​പ​ടി​യെ​ടു​ത്തേക്കുമെന്നാണ് സൂചന.

ജി​ല്ല​യി​ലെ വി​ഭാ​ഗീ​യ​ത​യ്ക്ക് നേ​തൃ​ത്വം ന​ല്‍​കി​യ​ത് സെ​ക്ര​ട്ട​റി​യ​റ്റ് അം​ഗ​ങ്ങ​ളാ​യ പി.​കെ. ശ​ശി, വി.​കെ. ച​ന്ദ്ര​ന്‍, ജി​ല്ലാ ക​മ്മി​റ്റി അം​ഗം ചാ​മു​ണ്ണി തു​ട​ങ്ങി​യ​വ​രെ​ന്ന് അ​ന്വേ​ഷ​ണ ക​മ്മീ​ഷ​ന്‍ ക​ണ്ടെ​ത്തി​യി​രു​ന്നു.മൂ​ന്നു​പേ​ര്‍​ക്കും കാ​ര​ണം കാ​ണി​ക്ക​ല്‍ നോ​ട്ടീ​സ് ന​ല്‍​കി​യി​രു​ന്നു. മ​റു​പ​ടി തൃ​പ്തി​ക​ര​മ​ല്ലെ​ങ്കി​ല്‍ ഇ​വ​ര്‍​ക്കെ​തി​രേ അ​ച്ച​ട​ക്ക ന​ട​പ​ടിയുണ്ടാകും. പാ​ല​ക്കാ​ട് പാ​ര്‍​ട്ടി​യി​ല്‍ മു​ന്‍ സ​മ്മേ​ള​ന​കാ​ല​ത്ത് ഉ​ട​ലെ​ടു​ത്ത വി​ഭാ​ഗി​യ​ത അ​വ​സാ​നി​പ്പി​ക്കാ​ന്‍ ല​ക്ഷ്യ​മി​ട്ടു​ള്ള തു​ട​ര്‍ അ​ച്ച​ട​ക്കന​ട​പ​ടി​ക​ള്‍ റി​പ്പോ​ര്‍​ട്ട് ചെ​യ്യും. ഉ​ച്ച​തി​രി​ഞ്ഞു​ള്ള ജി​ല്ലാ ക​മ്മ​റ്റിയോ​ഗ​ത്തി​ൽ ന​ട​പ​ടി​ക​ള്‍ വി​ശ​ദീ​ക​രി​ക്കും.

അ​ടു​ത്തി​ടെ സി​പി​എം ചെ​ര്‍​പ്പു​ള​ശേ​രി ഏ​രി​യാ ക​മ്മി​റ്റി​യി​ല്‍ നി​ന്ന് ഒ​മ്പ​ത് പേ​രെ ഒ​ഴി​വാ​ക്കി​യി​രു​ന്നു. ക​ഴി​ഞ്ഞ സ​മ്മേ​ള​ന​ത്തി​ല്‍ മ​ത്സ​രി​ച്ചെ​ത്തി​യ 13 ല്‍ ​ഒ​മ്പ​തു​പേ​രെ​യാ​ണ് ഒ​ഴി​വാ​ക്കി​യ​ത്. മു​ന്‍ ഏ​രി​യ സെ​ക്ര​ട്ട​റി കെ. ​ബി സു​ഭാ​ഷ് ഉ​ള്‍​പ്പെ​ടെ ഒ​മ്പ​തു​പേ​രെ തി​രി​ച്ചെ​ടു​ക്കു​ക​യു​മു​ണ്ടാ​യി. ക​ഴി​ഞ്ഞ​ദി​വ​സം വ​ല്ല​പ്പു​ഴ ലോ​ക്ക​ല്‍ ക​മ്മി​റ്റി സെ​ക്ര​ട്ട​റി അ​ബ്ദു​ള്‍ നാ​സ​റി​നെ​യും പാ​ര്‍​ട്ടി സ്ഥാ​ന​ത്തു​നി​ന്നും നീ​ക്കി. മു​തി​ര്‍​ന്ന അം​ഗ​ത്തി​ന്‍റെ പ​രാ​തി​യി​ലാ​ണ് ന​ട​പ​ടി. ചെ​റു​പ്പു​ള​ശേ​രി കോ – ​ഓ​പ്പ​റേ​റ്റീ​വ് ബാ​ങ്ക് ഡ​യ​റ​ക്ട​ര്‍ അം​ഗം കൂ​ടി​യാ​യ അ​ബ്ദു​ല്‍ നാ​സ​ര്‍ ബാ​ങ്കി​ല്‍ നി​ന്നും ബെ​നാ​മി വാ​യ്പ വാ​ങ്ങി​യെ​ന്നാ​യി​രു​ന്നു ആ​രോ​പ​ണം.