കേരളത്തില് ഭരണവിരുദ്ധ വികാരമില്ല; എല്ഡിഎഫിന് മൂന്നാമൂഴം ലഭിക്കും : സിപിഎം പിബി
കണികണ്ടുണർന്ന് മലയാളികൾ; പുത്തന് പ്രതീക്ഷകളുമായി ഇന്ന് വിഷു
April 15, 2026
കോണ്ഗ്രസിലെ മുഖ്യമന്ത്രി സ്ഥാനത്തെ ചൊല്ലിയുള്ള തര്ക്കം; അതൃപ്തി അറിയിച്ച് മുസ്ലിം ലീഗ്
April 15, 2026
ന്യൂഡല്ഹി : കേരളത്തില് ഭരണവിരുദ്ധ വികാരമില്ലെന്നും, ഇടതുമുന്നണിക്ക് ഭരണത്തുടര്ച്ച ഉണ്ടാകുമെന്നും സിപിഎം പിബിയുടെ വിലയിരുത്തല്. 75-ല് അധികം സീറ്റുകളില് ജയിച്ച് അധികാരത്തില് എത്തുമെന്നാണ് സിപിഎം പോളിറ്റ്ബ്യൂറോ വിലയിരുത്തിയത്.
മുസ്ലിം, ക്രൈസ്തവ വോട്ടുകള് യുഡിഎഫിന് അനുകൂലമായി സംസ്ഥാനത്തിന്റെ എല്ലാ ഭാഗത്തും ഏകീകരിക്കപ്പെട്ടില്ലെന്നാണ് കണക്കുകൂട്ടുന്നത്. ചില മണ്ഡലങ്ങളില് യുഡിഎഫിന് അനുകൂലമായി ഈ വോട്ടുകള് പോയിരിക്കാം. എന്നാല്, ചില മണ്ഡലങ്ങളില് ഈ ഏകീകരണം ഇടത് മുന്നണിക്ക് അനുകൂലമായി എന്നാണ് പാര്ട്ടി കണക്കാക്കുന്നത്.
ഇത്തവണ ഇടത് മുന്നണി ഒന്നോ രണ്ടോ സീറ്റിന്റെയെങ്കിലും ഭൂരിപക്ഷത്തോടെ അധികാരത്തില് എത്തുമെന്നാണ് പ്രതീക്ഷയെന്നാണ് സിപിഎം പി ബി അംഗം സൂചിപ്പിച്ചത്. പിബി യോഗത്തില് മുഖ്യമന്ത്രി പിണറായി വിജയനും പാര്ട്ടി സംസ്ഥാന സെക്രട്ടറി എം വി ഗോവിന്ദനും പങ്കെടുത്തു.
