കാല്ലൂര് മൂകാംബിക ക്ഷേത്രത്തില് ദര്ശനം പിറകെ ഗുരുവായൂര് ക്ഷേത്രത്തിലും ദര്ശനം നടത്തി മുഖ്യമന്ത്രി വിഡി സതീശന്
തിരുവനന്തപുരത്ത് കാപ്പാ കേസ് പ്രതിയെ അതി സാഹസികമായി പൊലീസ് പിടികൂടി
July 12, 2026
കൂടാളി കുംഭത്തെ വാഹനാപകടം; പരുക്കേറ്റ് ചികിത്സയിലായിരുന്ന അഞ്ചാമത്തെ യുവാവും മരിച്ചു
July 12, 2026
തൃശൂര് : കാല്ലൂര് മൂകാംബിക ക്ഷേത്രത്തില് ദര്ശനം പിറകെ ഗുരുവായൂര് ശ്രീകൃഷ്ണക്ഷേത്രത്തില് ദര്ശനം നടത്തി മുഖ്യമന്ത്രി വി ഡി സതീശന്. മുഖ്യമന്ത്രി വി ഡി സതീശന് ശനിയാഴ്ച രാത്രി ഗുരുവായൂര് ശ്രീകൃഷ്ണക്ഷേത്രത്തില് ദര്ശനം നടത്തിയത്ത്.മുഖ്യമന്ത്രിയായി ചുമതലയേറ്റശേഷം രണ്ടാം തവണയാണ് അദ്ദേഹം ഗുരുവായൂര് ക്ഷേത്രം സന്ദര്ശിക്കുന്നത്.
കാല്ലൂര് മൂകാംബിക ക്ഷേത്രത്തില് ശനിയാഴ്ച രാവിലെ ആറ് മണിയോടെയാണ് മുഖ്യമന്ത്രി വിഡി സതീശന് ദര്ശനം നടത്തിയത്ത്. സംസ്ഥാന മുഖ്യമന്ത്രിയായി ചുമതലയേറ്റ ശേഷം ആദ്യമായാണ് വിഡി സതീശന് മൂകാംബിക ക്ഷേത്രത്തില് ദര്ശനത്തിനായി എത്തുന്നത്.
ക്ഷേത്ര ട്രസ്റ്റ് അംഗങ്ങള് ഉള്പ്പെടെയുള്ളവര് പൂര്ണ്ണകുംഭം നല്കി മുഖ്യമന്ത്രിക്ക് ആചാരപരമായ സ്വീകരണം നല്കി. തുടര്ന്ന് ക്ഷേത്രത്തില് നടന്ന പ്രത്യേക പൂജകളിലും പ്രാര്ത്ഥനകളിലും അദ്ദേഹം പങ്കെടുത്തു. വെള്ളിയാഴ്ച രാത്രി മംഗളൂരു വിമാനത്താവളത്തില് എത്തിയ മുഖ്യമന്ത്രി രാത്രി കൊല്ലൂരിലാണ് താമസിച്ചത്.
ശനിയാഴ്ച രാത്രി എട്ടുമണിയോടെയാണ് അദ്ദേഹം ഗുരുവായൂര് ക്ഷേത്രത്തിലെത്തിയത്. ഉച്ചതിരിഞ്ഞ് ബംഗളൂരുവില് നിന്ന് നെടുമ്പാശേരി വിമാനത്താവളത്തിലെത്തിയ മുഖ്യമന്ത്രി, തുടര്ന്ന് തൃശൂര് ജില്ലയിലെ കയ്പമംഗലത്ത് നടന്ന ഒരു കണ്വെന്ഷന് സെന്ററിന്റെ ഉദ്ഘാടനച്ചടങ്ങില് പങ്കെടുത്ത ശേഷമാണ് ഗുരുവായൂരിലെത്തിയത്.
പതിവ് ക്ഷേത്രാചാരങ്ങള് പാലിച്ച് ശ്രീ ഗുരുവായൂരപ്പനെ തൊഴുത മുഖ്യമന്ത്രി പിന്നീട് കാര്യാലയ ഗണപതിയെയും ദര്ശിച്ചു. ക്ഷേത്രത്തിനകത്തും പുറത്തും മുഖ്യമന്ത്രിയെ കാണാന് നിരവധി ഭക്തര് എത്തിയിരുന്നു. അദ്ദേഹത്തെ അഭിവാദ്യം ചെയ്യാനെത്തിയവരുമായി മുഖ്യമന്ത്രി ഹസ്തദാനം നടത്തുകയും ചിലര്ക്കൊപ്പം സെല്ഫിക്ക് സമയം അനുവദിക്കുകയും ചെയ്തു.
ദര്ശനശേഷം ശ്രീവല്സം ഗസ്റ്റ് ഹൗസിലെത്തിയ മുഖ്യമന്ത്രിയെ കോണ്ഗ്രസ് നേതാക്കളും പ്രവര്ത്തകരും സന്ദര്ശിച്ചു. ടി. കെ. ഗോപാലകൃഷ്ണന്, ഗോപ പ്രതാപന്, ഒ കെ ആര് മണികണ്ഠന്, അരവിന്ദന് പല്ലത്ത്, ആര്. രവികുമാര്, സി. എസ്. സൂരജ്, ഷാജി കോടങ്കണ്ടത്ത്, കെ. പി. എ. റഷീദ്, കെ പി ഉദയന്, കെ എ്ച്ച് താഹിര്, സ്റ്റീഫന് ജോസ്, പ്രതീഷ് ഓടാട്ട് എന്നിവരും നഗരസഭാ കൗണ്സിലര്മാരായ ബിന്ദു നാരായണന്, സുഷ ബാബു, വി. എസ്. നവനീത്, ചന്ദ്ര രാമകൃഷ്ണന്, പ്രിയ രാജേന്ദ്രന് എന്നിവരും അദ്ദേഹത്തെ സന്ദര്ശിച്ചു. സ്വകാര്യ സന്ദര്ശനമായതിനാല് ഫോട്ടോയും വീഡിയോ ചിത്രീകരണവും ഒഴിവാക്കണമെന്ന് മുഖ്യമന്ത്രി മാധ്യമപ്രവര്ത്തകരോട് അഭ്യര്ഥിച്ചു. സന്ദര്ശനത്തിന്റെ ഭാഗമായുള്ള സുരക്ഷാ ക്രമീകരണങ്ങളും ഏര്പ്പെടുത്തിയിരുന്നു.
