കോഴിക്കോട് പൊലീസ് കസ്റ്റഡിയില് നിന്നും ചാടിപ്പോയ പോക്സോ കേസ് പ്രതി പിടിയില്
സംസ്ഥാനത്ത് ഇന്നും നാളെയും ശക്തമായ മഴയും കാറ്റും; ആറ് ജില്ലകളില് യെല്ലോ അലര്ട്ട്
August 14, 2025
മാസപ്പടി കേസ് ഇന്ന് വീണ്ടും ഡല്ഹി ഹൈക്കോടതിയില്
August 14, 2025
കോഴിക്കോട് : പൊലീസ് കസ്റ്റഡിയില് നിന്ന് ചാടിപ്പോയ പോക്സോ കേസ് പ്രതി അസം സ്വദേശി പ്രസന്ജിത്തിനെ പിടികൂടി. പൊലീസും നാട്ടുകാരും ചേര്ന്നു നടത്തിയ തിരച്ചിലില് ഫറോക്ക് ചന്ത ജിഎം യുപി സ്കൂളിലെ ശുചിമുറിയില്നിന്നാണ് പ്രതി പിടിയിലായത്. പുലര്ച്ചെ 2.45നാണ് പ്രസന്ജിത്തിനെ പിടികൂടിയത്. പെണ്കുട്ടിയെ തട്ടിക്കൊണ്ടുപോയ കേസിലെ പ്രതിയാണ് ഇയാള്. ഇന്നലെയാണ് പ്രസന്ജിത്ത് കൈവിലങ്ങുമായി പൊലീസ് കസ്റ്റഡിയില് നിന്ന് രക്ഷപ്പെട്ടത്.
കഴിഞ്ഞ ദിവസം പെരുമുഖത്ത് താമസിക്കുന്ന അതിഥിത്തൊഴിലാളിയുടെ മകളുമായി ഇയാള് നാടുവിട്ടിരുന്നു. സൈബര് സെല്ലിന്റെ സഹായത്തോടെ നടത്തിയ അന്വേഷണത്തില് ഇരുവരെയും ബംഗളൂരുവില് വച്ച് പൊലീസ് പിടികൂടിയിരുന്നു. പെണ്കുട്ടിയെ കോടതിയില് ഹാജരാക്കി. ഇയാളെ വൈദ്യ പരിശോധനയ്ക്ക് ശേഷം സ്റ്റേഷനില് നിര്ത്തിയതിനിടെ ഇയാള് കൈവിലങ്ങുമായി ഓടിപ്പോകുകയായിരുന്നു.
