സുരേഷ് ഗോപിയുടെ ഓഫീസ് ബോര്ഡില് കരി ഓയില് ഒഴിച്ച സിപിഐഎം പ്രവര്ത്തകന് അറസ്റ്റില്
വിവാദങ്ങള്ക്കിടെ സുരേഷ് ഗോപി തൃശൂരിലേക്ക്
August 13, 2025
വരവിൽക്കവിഞ്ഞ സ്വത്ത് സമ്പാദനം; പി കെ ഫിറോസിനെതിരെ വിജിലൻസിന് പരാതി നൽകി കെ ടി ജലീല്
August 13, 2025
തൃശൂര് : തൃശൂരില് കേന്ദ്രമന്ത്രി സുരേഷ് ഗോപിയുടെ ഓഫീസ് ബോര്ഡില് കരിഓയില് ഒഴിച്ചയാള് അറസ്റ്റില്. ചേറൂര് സ്വദേശിയായ സിപിഐഎം പ്രവര്ത്തകന് വിപിന് വില്സനാണ് പിടിയിലായത്. വിപിനെ ഇന്നലെ പൊലീസ് കസ്റ്റഡിയില് നിന്ന് സിപിഐഎം പ്രവര്ത്തകര് ബലമായി മോചിപ്പിച്ചിരുന്നു. സിപിഐഎം ഓഫീസിലേക്ക് ബിജെപി പ്രവര്ത്തകര് നടത്തിയ മാര്ച്ച് അക്രമാസക്തമായിരുന്നു. ഈ സംഭവത്തില് ബിജെപി, സിപിഐഎം പ്രവര്ത്തകര്ക്കെതിരെ പൊലീസ് കേസ് എടുത്തു. അന്പതോളം പ്രവര്ത്തകര്ക്കെതിരെയാണ് കേസ് എടുത്തിരിക്കുന്നത്
രാവിലെ 10:30 ന് ബിജെപി ജില്ലാ കമ്മിറ്റിയുടെ നേതൃത്വത്തില് തൃശൂര് കമ്മീഷണര് ഓഫീസിലേക്ക് പ്രതിഷേധ മാര്ച്ച് മുന് സംസ്ഥാന പ്രസിഡണ്ട് കെ സുരേന്ദ്രന്, സംസ്ഥാന ജനറല് സെക്രട്ടറി ശ്രീമതി ശോഭാ സുരേന്ദ്രന് എന്നിവര് പങ്കെടുക്കും. അതേസമയം, വിവാദങ്ങള്ക്കിടെ കേന്ദ്രമന്ത്രി സുരേഷ്ഗോപി ഇന്ന് തൃശ്ശൂരിലെത്തും. തിരുവനന്തപുരത്തുനിന്ന് തിരിച്ചു. രാവിലെ 9.30ന് വന്ദേ ഭാരതിന് തൃശ്ശൂരിലെത്തും. റെയില്വേ സ്റ്റേഷനില് ബിജെപി സ്വീകരണം നല്കും. ചികിത്സയിലുള്ള ബിജെപി പ്രവര്ത്തകരെയും അദ്ദേഹം സന്ദര്ശിക്കും.
രാഹുല് ഗാന്ധി ഉയര്ത്തിയ വോട്ടു ആരോപണത്തില് പ്രതിഷേധം ശക്തമാക്കുന്നതിന്റെ ഭാഗമായി യൂത്ത് കോണ്ഗ്രസ് ഇന്ന് കത്തയയ്ക്കല് സമരം നടത്തും. കേന്ദ്ര തെരഞ്ഞെടുപ്പ് കമ്മീഷന് കത്തയക്കുന്ന പ്രതീകാത്മക സമരം സംസ്ഥാന വ്യാപകമായി നടത്താനാണ് തീരുമാനം. ഇന്നലെ വൈകിട്ട് നടന്ന പ്രതിഷേധത്തിനിടെ സിപിഐഎം പ്രവര്ത്തകരാണ് സുരേഷ് ഗോപിയുടെ ക്യാമ്പ് ഓഫിസില് ബോര്ഡില് കരിയോയില് ഒഴിച്ചത്. ഇതില് പ്രതിഷേധിച്ച് സിപിഐഎം ജില്ലാ കമ്മിറ്റി ഓഫിസിലേക്ക് ബിജെപി നടത്തിയ മാര്ച്ച് അക്രമാസക്തമാകുകയും ഇരുപക്ഷത്തെയും അഞ്ചുപേര്ക്ക് വീതം പരിക്കേല്ക്കുകയും ചെയ്തിരുന്നു.
