കു​വൈ​ത്തിൽ 10 ലക്ഷം ക്യാ​പ്റ്റ​ഗ​ൺ ഗുളികകളുമായി ഒരാൾ അറസ്റ്റിൽ

കു​വൈ​ത്ത് സി​റ്റി : രഹസ്യവിവരത്തെത്തുടർന്ന് കു​വൈ​ത്ത് ല​ഹ​രി​വി​രു​ദ്ധ സേ​ന ന​ട​ത്തി​യ പ​രി​ശോ​ധ​ന​യി​ൽ വ​ൻ​തോ​തി​ൽ ക്യാ​പ്റ്റ​ഗ​ൺ ഗുളികകൾ കണ്ടെത്തി. സംഭവുമായി ബന്ധപ്പെട്ട് ഒരാളെ അറസ്റ്റ് ചെയ്‌തു. 10 ലക്ഷം ക്യാ​പ്റ്റ​ഗ​ൺ ഗു​ളി​ക​ക​ൾ ആണ് പിടിച്ചെടുത്തത്. ഇയാൾ മ​യ​ക്കു​മ​രു​ന്ന് വ്യാപകമായി വിൽക്കുന്നു എന്നും ക്യാ​പ്റ്റ​ഗ​ൺ ഗു​ളി​ക​ക​ളുടെ ശേഖരം ഇയാളുടെ വീട്ടിൽ ഉണ്ടെന്നുമായിരുന്നു രഹസ്യ വിവരം.

ഇതേത്തുടർന്ന് ഉദ്യോഗസ്ഥർ സ്ഥലത്തെത്തി പരിശോധന നടത്തുക ആയിരുന്നു. എന്നാൽ പ്രതി ഉദ്യോഗസ്ഥരെ ആക്രമിക്കുകയും ജോലി തടസപ്പെടുത്തുകയും ചെയ്യാൻ ശ്രമിച്ചു. പിന്നീട് ബലപ്രയോഗത്തിലൂടെ ഇയാളെ കീഴ്പ്പെടുത്തുക ആയിരുന്നു. എന്നാൽ ആക്രമണത്തിൽ പ്രതിക്ക് യാതൊരു തരത്തിലുമുള്ള പരിക്കേറ്റിട്ടില്ല എന്ന് അധികൃതർ വ്യക്തമാക്കി.

വീട്ടിൽ നടത്തിയ കൂടുതൽ പരിശോധനയിൽ ഇയാളുടേത് വ്യാജ പൗ​ര​ത്വമാണെന്നും ഉദ്യോഗസ്ഥർ കണ്ടെത്തി. ഇയാൾ നി​യ​മ​വി​രു​ദ്ധ​മാ​യി ആണ് കു​വൈ​ത്ത് പൗ​ര​ത്വം നേടിയത് എന്നതിനുള്ള തെളിവുകളും വീട്ടിൽ നിന്നും ലഭിച്ചു. ഇതോടെ വ്യാ​ജ​രേ​ഖ ച​മ​ച്ച കേ​സ് അ​ന്വേ​ഷ​ണ​ത്തി​നും ആ​വ​ശ്യ​മാ​യ നി​യ​മ​ന​ട​പ​ടി​ക​ൾ ആ​രം​ഭി​ക്കു​ന്ന​തി​നു​മാ​യി സം​യു​ക്ത ടാ​സ്‌​ക് ഫോ​ഴ്‌​സ് രൂപികരിച്ചു അന്വേഷണം ആരംഭിച്ചിട്ടുണ്ട്. മ​യ​ക്കു​മ​രു​ന്നി​നെ​തി​രാ​യ പോ​രാ​ട്ട​ത്തി​ൽ ശ​ക്ത​മാ​യ ന​ട​പ​ടി​ക​ൾ തു​ട​രു​മെ​ന്ന് ആ​ഭ്യ​ന്ത​ര മ​ന്ത്രാ​ല​യം അറിയിച്ചു. പൊ​തു​സു​ര​ക്ഷ​ക്കും ദേ​ശീ​യ സു​ര​ക്ഷ​ക്കും ഭീ​ഷ​ണി​യാ​കു​ന്ന ഏ​തൊ​രാ​ൾ​ക്കും എ​തി​രെ ക​ർ​ശ​ന ന​ട​പ​ടി സ്വീ​ക​രി​ക്കു​മെ​ന്നും മു​ന്ന​റി​യി​പ്പ് ന​ൽ​കി.