പ്രതിപക്ഷ ഉപനേതാവ് സ്ഥാനം; ഒറ്റക്കെട്ടായി മുന്നോട്ടു പോകണമെങ്കില് പങ്കുവെക്കല് അനിവാര്യം : ബിനോയ് വിശ്വം
കള്ളാടി മണ്ണിടിച്ചിൽ ദുരന്തം : കാണാതായ അവസാനത്തെ ആളുടെയും മൃതദേഹം കണ്ടെത്തി
July 12, 2026
വൈപ്പിന് ഫോര്ട്ട് കൊച്ചി മൂന്നാമത്തെ റോ റോ ഉദ്ഘാടനം ചെയ്ത് മുഖ്യമന്ത്രി
July 12, 2026
തിരുവനന്തപുരം : പ്രതിപക്ഷ ഉപനേതാവ് സ്ഥാനത്തിനായുള്ള അവകാശവാദത്തില് ഉറച്ചും സിപിഐഎമ്മിനെ വിമര്ശിച്ചും സിപിഐ സംസ്ഥാന സെക്രട്ടറി ബിനോയ് വിശ്വം. കീഴ്വഴക്കം പറഞ്ഞ് ഒഴിഞ്ഞുമാറാന് ആര്ക്കും കഴിയില്ല. സ്ഥാനങ്ങള് ചെറുതോ വലുതോ ആകട്ടെ, അത് പങ്കുവയ്ക്കണം. ഒറ്റക്കെട്ടായി മുന്നോട്ടു പോകണമെങ്കില് ആ പങ്കുവെക്കല് അനിവാര്യമെന്നും ബിനോയ് വിശ്വം പറഞ്ഞു.
പ്രതിപക്ഷ ഉപനേതൃ സ്ഥാനം സംബന്ധിച്ച് കമ്യൂണിസ്റ്റ് പാര്ട്ടിക്ക് തര്ക്കവും സംശയവുമില്ലെന്നും ബിനോയ് വിശ്വം പറഞ്ഞു. ആ സ്ഥാനം സിപിഐക്ക് അവകാശപ്പെട്ടതാണ്. അവിടെ കീഴ്വഴക്കം പറഞ്ഞുകൊണ്ട് ഒഴിഞ്ഞുമാറാന് ആര്ക്കുമാര്ക്കും കഴിയില്ല. എല്ലാ കീഴ്വഴക്കവും മാറേണ്ടി വന്നാല് മാറിയേ തീരൂ. കീഴ്വഴക്കമല്ല, രാഷ്ട്രീയമാണ് വലുത്. കീഴ്വഴക്കമല്ല വലുത് എല്ഡിഎഫാണ്. കീഴ്വഴക്കമല്ല വലുത് ഒന്നിച്ചുപോക്കാണ് വലുത്. അതിനാല് പ്രതിപക്ഷ ഉപനേതാവ് സ്ഥാനം ലഭിച്ചേ തീരൂ എന്ന് സിപിഐ പറയുന്നത് എല്ഡിഎഫിനെ ദുര്ബലമാക്കാന് വേണ്ടിയല്ല. ശക്തമാക്കാന് വേണ്ടിയാണ്. എല്ഡിഎഫ് എല്ഡിഎഫായി തുടരണമെങ്കില് അത്തരത്തിലുള്ള പങ്കുവെപ്പുകളും തീരുമാനങ്ങളും ഉണ്ടായേ തീരൂവെന്ന് വ്യക്തമാക്കട്ടെ – ബിനോയ് വിശ്വം പറഞ്ഞു.
ഉപനേതൃ സ്ഥാനത്തില് ചൊവാഴ്ച സിപിഐ -സിപിഐഎം ചര്ച്ച നടക്കാനിരിക്കെയാണ് ബിനോയ് വിശ്വം നിലപാട് ആവര്ത്തിച്ചത്. പതിവിന് വിപരീതമായി സിപിഐ സംസ്ഥാന കൗണ്സില് ഓഫീസായ എംഎന് സ്മാരകത്തില് വെച്ചായിരിക്കും ചര്ച്ച. പ്രതിപക്ഷ ഉപനേതൃസ്ഥാനത്തില് വിട്ടുവീഴ്ചയില്ലെന്ന്പ്രഖ്യാപിച്ചിരിക്കുന്നസിപിഐയെഅവരുടെ ആസ്ഥാനത്തെത്തി സംസാരിച്ച്സമവായത്തിലെത്തിക്കാമെന്ന പ്രതീക്ഷയിലാണ് സിപിഐഎമ്മിന്റെ നീക്കം.
ഉഭയകക്ഷി ചര്ച്ച നിശ്ചയിച്ചിരിക്കുന്ന ദിവസം സിപിഐഎം സംസ്ഥാന സെക്രട്ടേറിയേറ്റ് ചേരുന്നുണ്ട്. 13നും 14നും സിപിഐയുടെ നേതൃയോഗങ്ങളും
നടക്കുന്നുണ്ട്. ഈ യോഗങ്ങളില് സമവായത്തിന്റെ വഴിതെളിയുമെന്നാണ് പ്രതീക്ഷ. എലപ്പുളളിബ്രൂവറി വിഷയത്തില് ശക്തമായ എതിര്പ്പ് പ്രകടിപ്പിച്ച്
നില്ക്കുമ്പോഴാണ്സിപിഐഎം നേതൃത്വം ഇതിന് മുന്പ് എംഎന് സ്മാരകത്തില് എത്തിചര്ച്ച നടത്തിയത്. അന്ന് എംഎന് സ്മാരകത്തില് നടന്ന മുന്നണി യോഗത്തില് വെച്ച്സിപിഐ സമവായത്തിന് വഴങ്ങുകയായിരുന്നു. തങ്ങള് ആതിഥേയത്വം വഹിക്കുന്ന ചര്ച്ചയില് സിപിഐ കടുംപിടുത്തം പിടിക്കില്ലെന്നാണ് സിപിഐഎമ്മിന്റെ പ്രതീക്ഷ.
