മുനമ്പത്തെ വിവാദ ഭൂമി : 404 ഏക്കര് വഖഫ് ആയി രജിസ്റ്റര് ചെയ്ത് വഖഫ് ബോര്ഡ്
കാസര്കോട് ഭര്തൃവീട്ടുകാരുടെ മുന്നില്വെച്ച് യുവതി ആസിഡ് കുടിച്ച് ജീവനൊടുക്കി; ഭര്ത്താവ് കസ്റ്റഡിയില്
May 24, 2026
വൈറ്റ് ഹൗസിന് സമീപം വെടിവെപ്പ്; അക്രമി കൊല്ലപ്പെട്ടു
May 24, 2026
കോഴിക്കോട് : മുനമ്പത്തെ വിവാദ ഭൂമി കേന്ദ്ര സര്ക്കാരിന്റെ വഖഫ് സ്വത്തുക്കള് രജിസ്റ്റര് ചെയ്യാനുള്ള ഉമീദ് പോര്ട്ടലില് സംസ്ഥാന വഖഫ് ബോര്ഡ് റജിസ്റ്റര് ചെയ്തു. മുനമ്പം നിവാസികളുടെ കൈവശമുള്ളത് അടക്കം 404 ഏക്കര് ഭൂമിയാണ് വഖഫ് സ്വത്താക്കി പോര്ട്ടലില് റജിസ്റ്റര് ചെയ്തിരിക്കുന്നത്.
ഭൂമിയുടെ മുതവല്ലി സ്ഥാനം വഖഫ് ബോര്ഡ് ഏറ്റെടുത്താണ് രജിസ്ട്രേഷന് പൂര്ത്തീകരിച്ചത്. വഖഫ് സ്വത്തുക്കള് നിലവില് ഏതു സ്ഥാപനത്തിന്റെ കൈവശമാണോ ഉള്ളത് അവര് മുതവല്ലി(കൈകാര്യക്കാരന്) ആയാണുസ്വത്ത് റജിസ്റ്റര് ചെയ്യേണ്ടത്.
ഈ ഭൂമി വഖഫ് സ്വത്താണോ അല്ലയോ എന്നതു സംബന്ധിച്ചു വഖഫ് ട്രൈബ്യൂണലില് കേസ് നിലനില്ക്കുന്നതിനിടെയാണ് വഖഫ് ബോര്ഡിന്റെ നീക്കം. കഴിഞ്ഞ വര്ഷം കേന്ദ്ര സര്ക്കാര് കൊണ്ടുവന്ന വഖഫ് ഭേദഗതി നിയമപ്രകാരം വഖഫ് സ്വത്തുക്കളെല്ലാം ഉമീദ് പോര്ട്ടലില് റജിസ്റ്റര് ചെയ്തിരിക്കണം. അങ്ങനെ രജിസ്റ്റര് ചെയ്തിരിക്കുന്ന സ്വത്തുക്കള്ക്കു മാത്രമേ വഖഫ് സ്വത്തിന്റെ സംരക്ഷണം ലഭിക്കൂ.
ഇതേ തുടര്ന്ന് സംസ്ഥാനത്തെ 90 ശതമാനം വഖഫ് സ്വത്തുക്കളും പോര്ട്ടലില് റജിസ്റ്റര് ചെയ്തിരുന്നു. ഇക്കൂട്ടത്തിലാണ് മുനമ്പം ഭൂമിയും രജിസ്റ്റര് ചെയ്തിരിക്കുന്നത്. ഫാറൂഖ് കോളജിന്റെ കൈവശമുണ്ടായിരുന്ന ഭൂമി വഖഫ് ബോര്ഡ് ഏറ്റെടുത്തിരുന്നു. അതിനാല് വഖഫ് ബോര്ഡ് മുതവല്ലിയായാണ് ഭൂമി പോര്ട്ടലില് രജിസ്റ്റര് ചെയ്തിരിക്കുന്നത്.
