ഡല്ഹിയില് ടേക്ക് ഓഫിനിടെ സ്വിസ് എയര് വിമാനത്തിന് തീപിടിച്ചു; ആറു യാത്രക്കാര്ക്ക് പരിക്ക്
രാജ്യത്ത് വൈദ്യുതി ഉപഭോഗം സര്വകാല റെക്കോര്ഡില്; വെള്ളിയാഴ്ച 249.9 ജിഗാവാട്ട്
April 26, 2026
ട്രംപിന്റെ വിരുന്നില് വെടിയുതിര്ത്തത് 31 കാരനായ ഗെയിം ഡെവലപ്പറും മെക്കാനിക്കല് എഞ്ചിനീയറുമായ അധ്യാപകന്
April 26, 2026
ന്യൂഡല്ഹി : ഡല്ഹി വിമാനത്താവളത്തില് ടേക്ക് ഓഫ് ചെയ്യാനുള്ള ശ്രമത്തിനിടെ സ്വിസ് എയര് (SWISS) വിമാനത്തിന്റെ എന്ജിന് തകരാറിലായി തീപിടിച്ചു. സംഭവത്തില് ആറുപേര്ക്ക് പരിക്കേറ്റതായി അധികൃതര് അറിയിച്ചു. ഇതിന് പിന്നാലെ ടേക്ക് ഓഫ് നിര്ത്തിവെച്ച് വിമാനത്തില് നിന്നും അടിയന്തരമായി യാത്രക്കാരെ ഒഴിപ്പിച്ചു. പരിക്കേറ്റഴരെ ആശുപത്രിയില് പ്രവേശിപ്പിച്ചു.
സ്വിറ്റ്സര്ലന്ഡിലെ സൂറിച്ചിലേക്ക് പുറപ്പെടേണ്ടിയിരുന്ന LX147 വിമാനമാണ് അപകടത്തില്പ്പെട്ടത്. റണ്വേയില് വെച്ച് തന്നെ എമര്ജന്സി സ്ലൈഡുകള് ഉപയോഗിച്ചാണ് യാത്രക്കാരെ പുറത്തെത്തിച്ചത്.
പുലര്ച്ചെ 1.08നാണ് സംഭവം. എയര്ബസ് A330 വിമാനമാണ് അപകടത്തില്പ്പെട്ടത്. ടേക്ക് ഓഫിനായി റണ്വേയിലൂടെ കുതിക്കുമ്പോഴാണ് വിമാനത്തിന്റെ എന്ജിനുകളില് ഒന്നില് തകരാര് സംഭവിക്കുകയും തീപിടിക്കുകയും ചെയ്തതെന്നും അധികൃതര് അറിയിച്ചു. വിമാനത്തില് 228 യാത്രക്കാരും നാല് ശിശുക്കളുമാണ് ഉണ്ടായിരുന്നത്. ക്രൂ അംഗങ്ങള്ക്ക് പരിക്കില്ല.
വിമാനത്തിന്റെ പൈലറ്റുമാര് സമയോചിതമായി ടേക്ക് ഓഫ് വേണ്ടെന്ന് വെക്കുകയും സുരക്ഷാ മുന്കരുതലിന്റെ ഭാഗമായി യാത്രക്കാരെ ഒഴിപ്പിക്കാന് തീരുമാനിക്കുകയുമായിരുന്നു എന്ന് എയര്ലൈന് പ്രസ്താവനയില് അറിയിച്ചു. നിലവില് യാത്രക്കാര്ക്ക് ഹോട്ടല് താമസസൗകര്യവും തുടര്യാത്രയ്ക്കുള്ള ക്രമീകരണങ്ങളും എയര്ലൈന് അധികൃതര് ചെയ്തുവരികയാണ്. അപകടത്തിന്റെ കാരണം കണ്ടെത്താന് സാങ്കേതിക വിദഗ്ധര് ഡല്ഹിയിലെത്തി വിമാനം പരിശോധിക്കും.
