രൂപയുടെ മൂല്യത്തില് വന്ഇടിവ്; ഡോളറിനെതിരെ 93ലേക്ക് കൂപ്പുകുത്തി
ആക്രമിക്കപ്പെട്ടാൽ കയ്യും കെട്ടി നോക്കി നിൽക്കില്ല; താവളമൊരുക്കുന്നവരും കുറ്റവാളികൾ : ഇറാൻ
March 20, 2026
യുഎസ് എഫ്-35 പോര്വിമാനം വീഴ്ത്തിയതായി ഇറാന്
March 20, 2026
ന്യൂഡല്ഹി : അമേരിക്കന് ഡോളറിനെതിരെ രൂപയുടെ മൂല്യത്തില് വന്ഇടിവ്. പശ്ചമേഷ്യയിലെ സംഘര്ഷ സാഹചര്യങ്ങളില് രൂപ സമീപകാലത്തെ റെക്കോര്ഡ് താഴ്ച്ചയിലെത്തിയത്. ഡോളറിനെതിരെ രൂപ 93.08 രൂപയിലേക്കാണ് കൂപ്പുകുത്തിയത്. വ്യാപാര ചരിത്രത്തിലെ ഏറ്റവും ദുര്ബലമായ നിരക്കാണിത്.
ഇന്ത്യയുടെ ശക്തമായ ജിഡിപി വളര്ച്ചയുടെ പശ്ചാത്തലത്തിലാണ് ഈ മൂല്യത്തകര്ച്ച. പശ്ചിമേഷ്യന് സംഘര്ഷവും ഇതിനെ തുടര്ന്ന് എണ്ണവിലയിലുണ്ടാകുന്ന മാറ്റങ്ങളും ഡോളര് ശക്തിയാര്ജിച്ചതുമാണ് രൂപയെ സ്വാധീനിക്കുന്നത്. കൂടാതെ ഇന്ത്യ മുഖ്യമായി ആശ്രയിക്കുന്ന ബ്രെന്ഡ് ക്രൂഡിന്റെ വില ബാരലിന് നൂറ് ഡോളറിന് മുകളില് തന്നെയാണ്.
കടലില് കുടുങ്ങിക്കിടക്കുന്ന ഇറാനിയന് എണ്ണയ്ക്ക് മേലുള്ള ഉപരോധം ഉടന് നീക്കുമെന്ന് യുഎസ് പറഞ്ഞതിന് പിന്നാലെ ഇന്ന് രാവിലെയോടെ ക്രൂഡ് ഓയില് വിലയില് കുറവുണ്ടായിട്ടുണ്ട്. രാവിലെ 9.56 ന് ബ്രെന്റ് ഓയില് 1.53 ശതമാനം കുറഞ്ഞ് 106.99 ഡോളറിലും, ഡബ്ല്യുടിഐ (വെസ്റ്റ് ടെക്സസ് ഇന്റര്മീഡിയറ്റ്) ക്രൂഡ് ഓയില് 2.02 ശതമാനം കുറഞ്ഞ് 93.62 ഡോളറിലുമാണ് വ്യാപാരം നടന്നത്.
