തിരുവനന്തപുരത്ത് വിലകൂടിയ വിദേശമദ്യക്കുപ്പികളില് നിറച്ച് വില്പനയ്ക്കെത്തിച്ച വ്യാജമദ്യം പിടികൂടി
തിരുവനന്തപുരത്തിന്റെ ആകാശത്ത് ഇന്നുമുതല് വര്ണ വിസ്മയം തീര്ത്ത് ആയിരം ഡ്രോണുകള്
September 5, 2025
മുംബൈയില് ഗണേശോത്സവത്തിനിടെ 34 വാഹനങ്ങളില് ബോംബ് സ്ഫോടനം നടത്തുമെന്ന് അജ്ഞാതന്റെ ഭീഷണി
September 5, 2025
തിരുവനന്തപുരം : വിലകൂടിയ വിദേശമദ്യക്കുപ്പികളില് നിറച്ച് വില്പനയ്ക്കെത്തിച്ച വ്യാജമദ്യം പിടികൂടി. ഓണക്കാലം ലക്ഷ്യമിട്ട് എത്തിച്ച 33 ലിറ്റര് വ്യാജമദ്യമാണ് തിരുവനന്തപുരത്ത് പിടികൂടിയത്. കൊഞ്ചിറയിലെ വാടക വീട്ടില് പൊലീസ് നടത്തിയ പരിശോധനയില് 33 ലിറ്റര് വ്യാജമദ്യവും 20 ലിറ്റര് കോടയും 2ലക്ഷം രൂപയും വാറ്റുപകരണങ്ങളുമാണ് പിടികൂടിയത്.
സംഭവവുമായി ബന്ധപ്പെട്ട് തേക്കട കൊഞ്ചിറ പെരുംകൂര് കാര്ത്തികയില് വാടകയ്ക്ക് താമസിക്കുന്ന സതീശന്(64) അറസ്റ്റിലായി. കുറച്ച് കാലമായി പ്രതി കൊഞ്ചിറയില് വാടക വീട് കേന്ദ്രീകരിച്ച് വ്യാജ മദ്യനിര്മ്മാണവും വില്പ്പനയും നടത്തി വരുന്നതായി റൂറല് ജില്ലാ പൊലീസ് മേധാവി സുദര്ശനന് വിവരം ലഭിച്ചിരുന്നു. ഈ വിവരം നെടുമങ്ങാട് പൊലീസ് സബ് ഡിവിഷനിലേക്കും വട്ടപ്പാറ പൊലീസിനും കൈമാറി.
തുടര്ന്ന് നെടുമങ്ങാട് എ.എസ്.പി അച്യുത് അശോക്, വട്ടപ്പാറ സി.ഐ.ശ്രീജിത്ത്, എസ്.ഐമാരായ ബിനിമോള്, പ്രദീപ്, മനോജ്, സിവില് പൊലീസ് ഓഫീസര്മാരായ സൂരജ്, സജീവ്, പ്രശാന്ത്, ബിനോയി, മാധവന് എന്നിവര് അടങ്ങിയ സംഘം നടത്തിയ പരിശോധനയില് വീട്ടില് നിന്നും വിദേശ മദ്യക്കുപ്പികളില് നിറച്ചിരുന്ന വ്യാജമദ്യവും കോടയുമടക്കം പ്രതിയെ പിടികൂടുകയായിരുന്നു. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.
