കുന്നംകുളം പോലീസ് സ്റ്റേഷനിലെ മൂന്നാംമുറ; ‘കൊലച്ചോറ്’ സമരവുമായി യൂത്ത് കോണ്ഗ്രസ്
തിരുവോണദിനത്തില് അമ്മത്തൊട്ടിലില് കുഞ്ഞതിഥി; ‘തുമ്പ’ എന്ന് പേരിട്ടു
September 5, 2025
തിരുവനന്തപുരത്തിന്റെ ആകാശത്ത് ഇന്നുമുതല് വര്ണ വിസ്മയം തീര്ത്ത് ആയിരം ഡ്രോണുകള്
September 5, 2025
തൃശൂര് : കുന്നംകുളം പൊലീസ് സ്റ്റേഷന് മര്ദനത്തില് പ്രതിഷേധിച്ച് തിരുവോണ ദിവസത്തില് ‘കൊലച്ചോറ്’ സമരവുമായി യൂത്ത് കോണ്ഗ്രസ്. തൃശൂര് ഡിഐജി ഓഫീസിലേക്കാണ് യൂത്ത് കോണ്ഗ്രസ് പ്രവര്ത്തകര് ‘കൊലച്ചോറ്’ സമരവുമായി എത്തിയത്. മര്ദിച്ച പൊലീസുകാരുടെ മുഖംമൂടി ധരിച്ചായിരുന്നു പ്രതീകാത്മക പ്രതിഷേധ സമരം. ഡിഐജി ഓഫീസിന് മുന്നില് വച്ച് പൊലീസ് ബാരിക്കേഡ് ഉപയോഗിച്ച് സമരം തടഞ്ഞു. തുടര്ന്ന് പ്രവര്ത്തകര് ഇവിടെ ഇലയിട്ട് പ്രതിഷേധവും നടത്തി.
2023 ഏപ്രില് അഞ്ചിനാണ് യൂത്ത് കോണ്ഗ്രസ് ചൊവ്വന്നൂര് മണ്ഡലം പ്രസിഡന്റ് വി.എസ്.സുജിത്തിനെ കുന്നംകുളം പൊലീസ് കസ്റ്റഡിയില് എടുത്ത ശേഷം സ്റ്റേഷനിലെത്തിച്ച് മര്ദിച്ചത്. രണ്ടുവര്ഷത്തെ നിയമപോരാട്ടത്തിന് ഒടുവില് വിവരാവകാശ കമ്മിഷന്റെ ഉത്തരവ് പ്രകാരമാണ് മര്ദന ദൃശ്യങ്ങള് സുജിത്തിന് ലഭിച്ചത്.
കസ്റ്റഡി മര്ദനം ഒതുക്കാന് പൊലീസ് പണം വാഗ്ദാനം ചെയ്തെന്ന് വെളിപ്പെടുത്തിയിരുന്നു. സുജിത്തിനോടും കോണ്ഗ്രസിന്റെ പ്രാദേശിക നേതാവ് വര്ഗീസ് ചൊവ്വന്നൂരിനോടും 20 ലക്ഷം വരെ പണം വാഗ്ദാനം ചെയ്തെന്നായിരുന്നു വെളിപ്പെടുത്തല്.
